काठमाडौं । नबिल बैंकको शेयरभाउ आज पहिरो गएको छ। हालसम्मकै कम लाभांश घोषणासँगै नबिल बैंकको शेयरभाउमा भारी गिरावट आएको हो। कमजोर लाभांशकै कारण यो बैंकको शेयरभाउमा आज बिक्रीचाप बढेको छ।
नबिल बैंकले गत आर्थिक वर्ष २०७९/८० का लागि चुक्तापुँजीको ११ प्रतिशत अर्थात प्रतिशेयर ९ रुपैयाँका दरले नगद लाभांश वितरण गर्ने प्रस्ताव गरेको छ। जुन हालसम्मकै कम हो भने बैंकले पछिल्लो ११ आर्थिक वर्षमा लगातार बोनस शेयर र नगद लाभांश वितरण गरेको थियो। आर्थिक वर्ष २०६७/६८ मा बैंकले ३० प्रतिशत नगद लाभांश वितरण गरेको थियो।
यो समाचार तयार पार्दा (११ः३० बजे)सम्म नबिल बैंकको शेयरभाउ ७.६६ प्रतिशतले ओरालो लागेको छ। योसँगै प्रतिशेयर ४३ रुपैयाँले घटेर ५१८ रुपैयाँमा कारोबार भइरहेको छ।
