काठमाडौं । माछापुच्छ्रे बैंक र एमएडब्लु अर्थमुभर्सका ग्राहकहरुले जेसिबी ब्राण्डका हेभि इक्यूपमेन्ट खरिदमा माछापुच्छ्रे बैंकले सहुलियत दरमा कर्जा उपलब्ध गराउने भएको छ । सो सम्बन्धी बैंक र एमएडब्लु बीच सम्झौता भएको छ ।
उक्त सम्झौता पत्रमा एमएडब्लु अर्थमुभर्सका अध्यक्ष बिष्णु कुमार अग्रवाल तथा माछापुच्छ्रे बैंकका प्रमुख कार्यकारी अधिकृत सन्तोष कोइरालाले हस्ताक्षर गरे ।
सम्झौता पछि माछापुच्छ्रे बैंकले देशभर रहेका शाखा कार्यालयहरुमार्फत र एमएडब्लु अर्थमुभर्सका देशभर रहेका डिलरबाट जेसिबी ब्राण्डका नयाँ हेभि इक्यूपमेन्ट खरिद गर्न चाहने ग्राहकहरुलाई सहज र सरल रुपमा सेवा प्रदान गरिने बैंकले जनाएको छ ।
