काठमाडौं । गौतम अडानीको कम्पनी अडानी ग्रीन इनर्जी लिमिटेडले विश्वकै सबैभन्दा ठूलो नवीकरणीय ऊर्जा आयोजनाको पहिलो क्षमताको सञ्चालन सुरु गरेको छ। गुजरातको खभ्रामा बनेको यो प्लान्टमा ५५१ मेगावाट क्षमताको मात्रै सञ्चालनमा आएको छ।
कम्पनीले यस विषयमा जानकारीपछि आज बुधबार अडानी ग्रीन इनर्जीको शेयरभाउमा वृद्धि भएको हो । शेयर कारोबारको समयमा ४ प्रतितभन्दा बढेर भारु १ हजार ८८२ पुगेको थियो। तर, कारोबारको अन्त्यमा यसको शेयर २.११ प्रतिशतले बढेर भारु १ हजार ८५३.८० मा बन्द भएको छ।
विश्वकै ठूलो नवीकरणीय ऊर्जा परियोजना ७२६ वर्ग किलोमिटरमा फैलिएको छ। यसले ३० गिगावाट क्लिन इनर्जी उत्पादन गर्नेछ र करिब १.८ करोड घरमा बिजुली उपलब्ध गराउनेछ।
यो परियोजनाको लागत कम्तीमा २.२६ अर्ब डलर लाग्ने भारत सरकारको अनुमान छ। –एजेन्सी
