चैत्र २८ गते बिहिबार (भोलि) देखि गुराँस लाइफ इन्स्योरेन्सको ५० प्रतिशत हकप्रद शेयर खुला हुने भएको छ । कम्पनीले हाल कायम रहेको चुक्तापूँजी ५९ करोड ४० लाख रुपैयाँको आधारमा २९ लाख ७० हजार कित्ता हकप्रद विक्री गर्न लागेको हो ।
जेठ ८ गतेसम्म विक्रीमा रहने यस हकप्रदमा कात्तिक २६ गते सम्म कायम सदस्यहरुले आवेदन दिन सक्नेछन् । कम्पनीले हकप्रद प्रयोजनका लागि कात्तिक २७ गते बुक क्लोज गरेको हो ।
हकप्रदमा योग्य आवेदकले लक्ष्मी क्यापिटल मार्केट लिमिटेड, लक्ष्मी बैंक लिमिटेडका उपत्यका भित्रका ललितपुर , महाराजगञ्ज र वाहिरका विरगञ्ज, विराटनगर, भैरहवा, पोखरा, नारायणगढ, नेपालगञ्ज, धनगढी, जनकपुर, इटहरी, दमक, धरान, लहान, स्याङ्जा, सुर्खेत, दाङ, महोत्तरी, सल्यान, दोलखा, काभ्रेपलाञ्चोक, तनहु र मकवानपुरका शाखा कार्यालयबाट आवेदन दिन सकिने व्यवस्था छ ।
साथै सि—आस्वा सदस्यता लिएका बैंक तथा बित्तीय संस्था बाट सि—आस्वा प्रणालीमार्फत पनि शेयर भर्न सकिने व्यवस्था छ ।
५० प्रतिशत हकप्रद जारी गर्न लागेको कम्पनीको सो हकप्रद र ८ प्रतिशत बोनस पश्चात ९६ करोड २२ लाख ८० हजार रुपैयाँ चुक्ता पूँजी पुग्नेछ ।
