काठमाडौं । गरिमा विकास बैंक लिमिटेडले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण सार्वजनिक गरेको छ। चालु आर्थिक वर्षको चैत मसान्तसम्ममा बैंकले ६७ करोड ८२ लाख रुपैयाँ खुद नाफा आर्जन गरेको छ। गत आर्थिक वर्षको सोही अवधिको तुलनामा बैंकको नाफा ३६ दशमलव ६३ प्रतिशतले बढी हो।
गत आर्थिक वर्षको अन्त्यको तुलनामा चालु आर्थिक वर्षको तेस्रो त्रैमाससम्ममा बैंकको चुक्ता पूँजी १३.५० प्रतिशत बढेको छ। अवधिमा बैंकको वितरण योग्य मुनाफा ७ करोड ७३ लाख रुपैयाँबाट बढेर ४९ करोड २ लाख रुपैयाँ पुगेको छ।
समीक्षा अवधिमा बैंकको जगेडा कोष गत आथिृक वर्षको तुलनामा २९ दशमलव १४ प्रतिशतले बढेको छ। यस अवधिमा बैंकको खुद ब्याज आम्दानी ९ दशमलव ६४ प्रतिशत बढेको छ सञ्चालन मुनाफा ३६ दशमलव ९७ प्रतिशतले बढेको छ।
समीक्षा अवधिमा बैंकको प्रतिशेयर आम्दानी ४ रुपैयाँ २७ पैसा बढेर २४ रुपैयाँ ६० पैसा पुगेको छ। चैत मसान्तसम्ममा बैंकको मूल्य आम्दानी अनुपात १४.१५ गुणा रहेको छ । प्रतिशेयर नेटवर्थ १३८ रुपैयाँ ९२ पैसा रहेको छ।
त्यसैगरी, बैंकको निक्षेप ३९ दशमलव ५३ प्रतिशतले बढेको छ भने कर्जा लगानी ४४ दशमलव २८ प्रतिशतले बढेको छ।
