काठमाडौं । विश्वको दिग्गज बीमा कम्पनी जुरिच इन्स्योरेन्सले कोटक महिन्द्रा जनरल इन्स्योरेन्सको ७० प्रतिशत हिस्सेदारी खरिद गर्ने भएको छ।
गत नोभेम्बरमा जुरिच इन्स्योरेन्सले पुँजी लगानी र शेयर खरिदको संयोजनमार्फत कोटक महिन्द्रा जनरलको ५१ प्रतिशत शेयर अधिग्रहण गर्ने योजना घोषणा गरेको थियो। जुरिच इन्स्योरेन्सले ३ वर्षको अवधिमा कोटक महिन्द्रा जनरलको थप १९ प्रतिशत हिस्सेदारी लिने जनाएको थियो। यो सम्झौतामा कोटक बैंक, जुरिच र कोटक जनरलले आपसी सहमति जनाएका छन्।
जुरिचले कोटक जनरलको ७० प्रतिशत शेयर एकै किस्तामा प्राथमिक र माध्यमिक अधिग्रहणको संयोजनमार्फत प्राप्त गर्नेछ। यो लगभग भारु ५५ अर्ब ६० करोडको कुल सम्झौता हो। यसमा लेनदेनको अन्य सर्त अपरिवर्तित रहने बताइएको छ।
प्रस्तावित ७० प्रतिशत अधिग्रहण परम्परागत सर्तहरुको पूरा गर्ने अधीनमा हुनेछ। जसमा भारतीय रिजर्भ बैंक (आरबीआई) र भारतीय बीमा नियामक र विकास प्राधिकरण (आईआरडीएआई) बाट नियामकीय स्वीकृतिहरु प्राप्त गर्न सकिन्छ। विद्यमान नियामकीय दिशानिर्देशहरुअनुसार विदेशी संस्थाले भारतमा बीमा उद्यममा ७४ प्रतिशतसम्मको हिस्सेदारी राख्न सक्छ। भारतीय प्रतिस्पर्धा आयोग (सीसीआई)ले कोटक महिन्द्रा जनरल इन्स्योरेन्सको ७० प्रतिशत शेयर जुरिच इन्स्योरेन्स कम्पनीलाई अधिग्रहण गर्न अनुमति दिएको थियो।
अधिग्रहणकर्ता जुरिख इन्स्योरेन्स ग्रुपको पूर्ण स्वामित्वमा रहेको सहायक कम्पनी हो। यो २०० भन्दा बढी देश र क्षेत्रका मानिस र व्यवसायको सेवा गर्ने एक अग्रणी मल्टी–लाइन बीमा कम्पनी हो। –एजेन्सी
