काठमाडौं । एच–१बी भिसाधारकले कसरी ६ वर्षभन्दा बढी अमेरिकामा बस्न सक्छन् ? भन्ने प्रश्नको जबाफ आई–१४० फारममा लुकेको छ। लाखौँ विदेशी एच–१बीजस्ता अस्थायी भिसामा प्रत्येक वर्ष अमेरिकामा काम गर्न जान्छन्। तिनीहरुमध्ये धेरैले ग्रीन कार्डमार्फत स्थायी बसोबासको सपना देख्छन्।
एच–१बी भिसाबाट अमेरिकामा स्थायी बसोबासको यात्रा आई–१४० याचिकामा निर्भर छ। फारम आई–१४० आधिकारिक रुपमा ‘विदेशी कामदारका लागि आप्रवासी याचिका’ भनेर चिनिन्छ।
आई–१४० संयुक्त राज्य अमेरिकामा रोजगार आधारित ग्रीन कार्ड प्रक्रियामा एक दस्तावेज हो। यो यूएससीआईएसलाई सम्भावित रोजगारदाताका तर्फबाट विदेशी नागरिकलाई अमेरिकामा स्थायी रुपमा काम गर्नका लागि निवेदन पेस गरिन्छ।
यो निवेदन अमेरिकी नियोक्ता (याचिकाकर्ता)हरुका तर्फबाट वा केही अवस्थामा विदेशी नागरिकका तर्फबाट दायर गरिन्छ। यो ईबी–१, ईबी–२ र ईबी–३ ग्रीन कार्ड श्रेणीका लागि रोजगार–आधारित अध्यागमन प्रक्रियाको भाग हो।
एच–१बी भिसा भनेको के हो ?
एच–१बी भिसा एक अस्थायी काम भिसा हो। यसले अमेरिकी नियोक्ताहरुलाई विज्ञान र प्रविधिजस्ता विशेष क्षेत्रहरुमा दक्ष भारतीय पेसेवरसहित विदेशी कामदार भर्ती गर्न अनुमति दिन्छ। यी क्षेत्रलाई सामान्यतया कम्तीमा स्नातक डिग्री चाहिन्छ। अस्थायी भए पनि एच–१बी भिसा एउटा दोहोरो उद्देश्यको भिसा हो। यसको मतलब भिसाधारकहरुले आफ्नो अस्थायी स्थिति कायम राख्दै स्थायी बसोबास (अमेरिकी ग्रीन कार्ड)का लागि कानुनी रुपमा आवेदन दिन सक्छन्।
एकपटक पीईआरएम लेबर सर्टिफिकेसन स्वीकृत भएपछि रोजगारदाताले यूएससीआईएसमा आई–१४० याचिका फाइल गर्दछ। पीईआरएम भनेको ‘प्रोग्राम इलेक्ट्रोनिक रिभ्यु म्यानेजमेन्ट’ हो। जसलाई ‘परमानेन्ट लेबर सर्टिफिकेसन’ पनि भनिन्छ।
आई–१४० याचिका दायर गर्दा के हुन्छ ?
आई–१४० को महत्व एच–१बी भिसाधारकलाई ६ वर्षको अधिकतम सीमाभन्दा बाहिर आफ्नो भिसा विस्तार गर्न अनुमति दिने क्षमतामा निहीत छ। आई–१४० पिटिसनले एच–१बी भिसाधारकलाई ग्रीन कार्ड प्रक्रियामार्फत राख्छ, जुन ब्याकलगका कारणले वर्षौं लाग्न सक्छ। एच–१बी भिसाधारक जो स्वीकृत बिना आई–१४० मा ६ वर्षको सीमामा पुग्छन्, उनीहरुलाई अमेरिका छोड्न अनिवार्य हुन्छ। यद्यपि, एक स्वीकृत आई–१४० ले सबै कुरा परिवर्तन गर्दछ।
यूएससीआईएस नियमहरुले आई–१४० एच–१बी भिसालाई ग्रीन कार्ड ब्याकलग भएका देशहरुका आवेदकका लागि १ वर्षदेखि ३ वर्षसम्म विस्तार गर्न अनुमति दिन्छ। तर, सबै व्यवहारिक उद्देश्यका लागि यो विस्तार भिसाधारकले ग्रीन कार्ड नपाएसम्मका लागि हो। यसले सुनिश्चित गर्दछ जबसम्म उनीहरु आफ्नो ग्रीन कार्डका लागि पर्खिरहेका हुन्छन् तबसम्म उनीहरु काम जारी राख्न र अमेरिकामा बस्न सक्नेछन्। यसबाट तत्काल आफ्नो देश फर्किन उनीहरुमाथि दबाब पर्दैन।
प्रक्रियाको अन्तिम चरण फारम आई–४८५ को दाखिला
प्रक्रियाको अन्तिम चरण भनेको स्थिति समायोजन (फार्म आई–४८५) का लागि फाइल दायर गर्नु वा आधिकारिक रुपमा अमेरिकी ग्रीन कार्ड प्राप्त गर्न कन्सुलर प्रक्रिया पूरा गर्नु हो। उच्च ब्याकलग भएका देशका आवेदकले असाधारण ढिलाइको सामना गर्छन्। प्रायः उनीहरुको प्राथमिकता मितिका लागि वर्ष वा दशकहरु पर्खिरहेका हुन्छन्। तर यी याचिका फारमले एच–१बी भिसाधारकलाई उनीहरुको कानुनी स्थिति कायम राख्न मद्दत गर्दछ। किनकि तिनीहरु स्थायी बसोबासका लागि पर्खिरहेका हुन्छन्।
