काठमाडौं । यो सन् २००७ को कुरा हो। चिनियाँ ब्याट्री निर्माण कम्पनी बीवाईडीले कार बनाउने प्रयास गरिरहेको थियो। यसले आफ्नो नयाँ मोडल ग्वाङ्झाउ अटो शोमा प्रदर्शनमा राख्यो। त्यसपछि अमेरिकी अधिकारीहरुले यसको धेरै खिल्ली उडाए। यसको कारण थियो, त्यो गाडीको पेन्ट राम्ररी नगएको र ढोका पनि फिट नहुनु।
अहिले परिस्थिति फेरिएको छ। अहिले बीवाईडी संसारको सबैभन्दा ठूलो इलेक्ट्रिक कार निर्माण कम्पनी भएको छ। यसले विश्वको सबैभन्दा धनीव्यक्ति एलन मस्कको कम्पनी टेस्लालाई धेरै पछाडि छोडेको छ। कम्पनीले ब्राजिल, हंगेरी, थाइल्यान्ड र उज्वेकिस्तानमा एसेम्बली लाइन निर्माण गरिरहेको छ। यसले इन्डोनेसिया र मेक्सिकोमा पनि एसेम्बली लाइन खोल्ने योजना बनाएको छ।
गत वर्षको अन्त्यमा बीवाईडीले विश्वव्यापी बिक्रीको सन्दर्भमा टेस्लालाई पछाडि पार्यो। कम्पनी युरोपमा विस्तार हुँदैछ। कम्पनीको ८० प्रतिशत बिक्री चीनमा मात्रै छ। पछिल्ला दुई वर्षमा कम्पनीको बिक्री प्रत्येक वर्ष १० लाख युनिटले बढेको छ। यसअघि यो उपलब्धि अमेरिकाको जनरल मोटर्सले हासिल गरेको थियो। कम्पनीले सन् १९४६ मा यो उपलब्धि हासिल गरेको थियो।
दोस्रो विश्वयुद्धका कारण कम्पनीले चार वर्षसम्म यात्रुवाहक कार बिक्री नगर्नुको कारण थियो। बीवाईडीको मुख्यालय चीनको शेन्जेनमा छ। जुन चीनको इलेक्ट्रोनिक्स उद्योगको हब हो। कम्पनीले कार निर्यातका लागि विश्वको सबैभन्दा ठूलो कार क्यारियर जहाज निर्माण गरिरहेको छ। यीमध्ये एक तयार भइसहेको छ।
बीवाईडी एक्प्लोरर नं. १ नामको यो जहाज ५ हजार इलेक्ट्रिक कार बोकेर सेन्जेनबाट प्रस्थान गरेको छ र फेब्रुअरी २१ सम्ममा नेदरल्यान्ड्स पुग्ने अपेक्षा गरिएको छ।
जनवरीमा मस्कले चिनियाँ कम्पनीसँग विश्वका अधिकांश कम्पनीलाई ध्वस्त पार्ने क्षमता रहेको बताएका थिए। बीवाईसी १९९५ मा वांग चुवानफुद्वारा स्थापित भएको थियो। सुरुमा यसले उपभोक्ता इलेक्ट्रोनिक्स कम्पनीहरुका लागि ब्याट्री बनाउन प्रयोग गर्दथ्यो। सन् २००३ मा कम्पनीले कार निर्माण कारखाना खरिद गर्यो। सुरुमा कम्पनीले धेरै कठिनाइको सामना गर्नुपरेको थियो। तर, सन् २००८ मा कम्पनीको बिक्री बढ्यो। सन् २०१२ सम्ममा माग बढेपछि उत्पादन बढ्न थाल्यो। तर, कम्पनीसँग सीमित मोडल थिए भने विदेशी कम्पनीका धेरै आकर्षक मोडल थिए। यसले कम्पनीको बिक्री र सेयर मूल्यमा असर गरेको थियो। सन् २०१६ मा कम्पनीले औडीको प्रख्यात डिजाइनर वोल्फग्याङ एगरलाई बोर्डमा ल्यायो। इगरले सयौँ कार इन्जिनियर ल्याए र बीवाईडीको मोडेलहरुको मुहार पूर्ण रुपमा परिवर्तन गरे।
यतिमात्र होइन कम्पनीले लिथियम ब्याट्रीमा निकल, कोबाल्ट र म्यांगनिजजस्ता महँगो रसायनको सट्टा फलाम र फस्फेट प्रयोग गरेको थियो। तर, यो ट्रिक काम भएन। किनभने यसको रेन्ज निकै कम थियो। बीवाईडी २०२० मा ब्लेड ब्याट्रीहरु लिएर आयो। यसले रेन्ज समस्या धेरै हदसम्म हल गर्यो। तिनीहरुको मूल्य पनि निकल–कोबाल्टभन्दा धेरै कम थियो।
टेस्लाले त्यही वर्ष चीनमा कार उत्पादन र बिक्री सुरु गरेको थियो। चीनमा विद्युतीय कारका लागि ठूलो उत्साह थियो। बीवाईडीले अझै धेरै सस्ता कारहरु बेच्दैछ। जब कि टेस्लासँग धेरै महँगो कारहरु छन्। –एजेन्सी
