काठमाडौं । कामना सेवा विकास बैंकले काठमाडौँको भोटाहिटीमा नयाँ शाखा कार्यालय सञ्चालनमा ल्याएको छ । यससँगै बैंकको शाखा कार्यालयको संख्या १२८ पुगेको छ ।
काठमाडौं उपत्यकामा मात्रै बैंकका शाखा २३ वटा शाखा कार्यालय पुगेको बैंकले जनाएको छ । भोटाहिटी शाखाको उद्घाटन काठमाडौं महानगरपालिका २७ का वडाध्यक्ष चिनिया मान बज्राचार्य र बैंकका अध्यक्ष सुदिप आचार्यले संयुक्त रुपमा गरेका हुन् ।
सोसल मिडिया बैंकिङ, इन्टरनेट बैंकिङ, मोबाइल बैंकिङ र एसएमएस बैैंकिङ जस्ता डिजिटल माध्यमहरुबाट समेत ग्राहकलाई सेवा प्रदान गर्दै आएको बैंकले १२८ वटा शाखा, एउटा विस्तारीत काउन्टर तथा ७० एटिएममार्फत सेवा प्रदान गर्दै आएको छ ।
