सुर्खेत । सरकारी लगानीमा सञ्चालित राष्ट्रिय बीमा संस्थानले कर्णाली प्रदेशमा पहिलो पटक शाखा स्थापना गरेको छ । संस्थानले कर्णाली प्रदेश अन्र्तगत सुर्खेत जिल्लाको बिरेन्द्रनगरमा प्रदेशकै पहिलो शाखा बिस्तार गरेको हो ।
संस्थानले बीमा क्षेत्रको बढ्दो दायरालाइ मध्यनजर गर्दै उक्त प्रदेशमा पहिलो पटक शाखा बिस्तार गरेको जनाएको छ । उक्त नयाँ शाखा कार्यालयको अनौपचारिक रुपमा कार्य शुभारम्भ गरिएको संस्थानले जनाएको छ । यद्यपि औपचारिक उद्घाटन गर्न भने बाँकी छ । मङ्सिर महिनामा एक कार्यक्रम गरी सो शाखाको औपचारिक रुपमा उदघाटन हुने सुर्खेत शाखा प्रमुख रमेश उपाध्यायले इन्स्योरेन्स खबरलाई जानकारी दिए ।
