काठमाडौं । साउदी अबरले एसियाली मुलुकहरुलाई कच्चा तेल सस्तोमा उपलब्ध गराउने भएको छ।
साउदीको सरकारी तेल कम्पनी साउदी अरामकोले आफ्नो प्ल्यागसिप अरब लाइट क्रुडको मूल्यमा कटौती गरेको छ। मूल्य अब २७ महिनायताकै तल्लो स्तरमा आएको छ।
अरामकोले फेब्रुअरी सिपमेन्टका लागि कच्चा तेलको मूल्य प्रतिब्यारल २ डलरले घटाएको छ। यसअघि कम्पनीले गत डिसेम्बरमा जनवरी लोडिङका लागि कच्चा तेलको मूल्य प्रतिब्यारल १.५ डलरले कटौती गरेको थियो।
साउदी अरब विश्वकै सबैभन्दा कच्चा तेल निर्यातकर्ता हो। साउदीले एसियाली मुलुकहरुका साथै उत्तरी अमेरिका, उत्तरपश्चिम युरोप र भूमध्यसागरीय देशहरुका लागि कच्चा तेलको मूल्यमा कटौती गरेको छ।
साउदी अरबले कच्चा तेलको मूल्य घटाएसँग एसियाली मुलुकहरुमा पेट्रोल र डिजेलको भाउ पनि घट्ने जानकारहरु बताउँछन्।
