काठमाडौं । लाइफ इन्स्योरेन्स कर्पोरेसन अफ इन्डिया (एलआईसी) सबैभन्दा मूल्यवान सार्वजनिक उपक्रम (पीएसयू) बनेको छ।
भारतीय स्टेट बैंक (एसबीआई)लाई पछि पार्दै एलआईसी सबैभन्दा मूल्यवान पीएसयू बनेको हो। पछिल्लो एक वर्षमा एलआईसीको शेयरमा २६ प्रतिशतले वृद्धि भएपछि यसको मूल्यांकन अहिले भारु ५.६१ लाख करोड पुगेको छ। जुन एसबीआईको भारु ५.५९ लाख करोडको मूल्यांकनभन्दा अलि बढी हो।
एलआईसी सबै सूचीबद्ध कम्पनीमध्ये नवौँ सबैभन्दा मूल्यवान कम्पनी हो। एलआईसीको बुधबार कारोबार मूल्यअनुसार प्रतिकित्ता भारु ८८७ रहेको थियो। मे २०२२ मा सूचीबद्ध भएपछि एलआईसीको शेयर ४४ प्रतिशतले घटेको थियो।
यद्यपि, पीएसयू शेयरहरुप्रतिको धारणामा आएको परिवर्तनका बीचमा एलआईसीको शेयरभाउ मार्च २०२३ को तल्लो भारु रु. ५३० बाट ६७ प्रतिशतले बढेको छ।
एनटीपीसी हाल गैरवित्तीय पीएसयूमध्ये सबैभन्दा मूल्यवान कम्पनी हो। जसको मूल्यांकन भारु ३ लाख करोड छ र ओएसनजीसी एनटीपीसीभन्दा पछाडि रहेको छ। –एजेन्सी
