काठमाडौं । भारतीय शेयर बजार नियामक सेबीले देशको सबैभन्दा ठूलो बीमा कम्पनी एलआईसीलाई ठूलो राहात दिएको छ।
सेबीले एनआईसीलाई १० प्रतिशत पब्लिक शेयरहोल्डिङको लक्ष्य हासिल गर्न ३ वर्षको समयावधि दिएको हो। योसँगै अब एलआईसीले सन् २०२७ सम्म पब्लिक शेयरहोल्डिङको लक्ष्य हासिल गर्न सक्नेछन्।
यो खबर सार्वजनिक भएसँगै एलआईसीको शेयरभाउ बढेको छ। कम्पनीको शेयरभाउ ३ प्रतिशतले बढेको छ।
सेबीको नियमअनुसार सबै सूचीकृत कम्पनीको कमसेकम २५ प्रतिशत पब्लिक शेयरहोल्डिङ हुनुपर्छ। तर, नयाँ सूचीकृत हुने कम्पनीलाई यो नियमको पालना गर्न ३ वर्षको समय दिइएको छ। जुन कम्पनीको आइपीओ बिक्रीपछि बजार पुँजीकरण भारु १ लाख करोड हुन्छ, उनीहरुले २५ प्रतिशत शेयरहोल्डिङ कायम गर्न ५ वर्षको समय दिइएको छ।
गत डिसेम्बरमा भारतको वित्त मन्त्रालयले एलआईसीलाई यो नियम पालना गर्न सन् २०२३ सम्मको समय दिएको थियो। त्यतिबेलादेखि नै एलआईसीको शेयरभाउमा बढोत्तरी आइरहेको छ।
एलआईसीमा भारत सरकारको ९६.५ प्रतिशत हिस्सेदारी छ। सन् २०२२ मेमा भारतले यो कम्पनीको ३.५ प्रतिशत हिस्सा बेचेर भारु २१ हजार करोड जुटाएको थियो। –एजेन्सी
