काठमाडौं । भारत सरकारको एकीकृत पेन्सन योजना (यूपीएस) लागू भएपछि निजी कर्मचारीहरुले पनि पेन्सन विकल्पहरुका बारेमा सोच्न थालेका छन्। यद्यपि, उनीहरुसँग एनपीएससहित धेरै विकल्प छन्, जहाँबाट उनीहरुले अवकाशपछि मासिक पेन्सन प्राप्त गर्न सक्छन्।
तिनैमध्ये एउटा पेन्स योजना एलआईसी भारतले ल्याएको छ। जसले एकमुष्ठ लगानीमा सेवानिवृत्तिपछि प्रत्येक महिना पेन्सन दिन्छ। यस योजनाको नाम एलआईसी सरल पेन्सन योजना हो। यो एक गैरलिंक गरिएको एकल प्रिमियम योजना हो। यो योजनाले मानिसहरुलाई सुरक्षित र आरामदायी सेवानिवृत्ति प्रदान गर्दछ।
यो पेन्सन योजना हो। ४० वर्षदेखि ८० वर्षसम्मका कुनै पनि व्यक्तिले यो योजनाको लाभ लिन सक्छन्। यो योजना एक्लै वा साझेदार (पति वा पत्नी) संग लिन सकिन्छ। सेवानिवृत्त भएपछि पनि यो योजना लिन सकिन्छ।
यसमा कुनै मासिक वा वार्षिक प्रिमियम छैन। यो योजनामा एकमुष्ट लगानी गर्नुपर्नेछ। अर्थात् प्रिमियम एकपटक मात्रै तिर्नुपर्छ। त्यसपछि हरेक महिना पेन्सन सुरु हुन्छ जुन जीवनभर प्राप्त भइरहन्छ। पेन्सन रकम बढेको छैन। यस योजनामा पेन्सन त्यही रकमबाट सुरु हुन्छ र जीवनभर प्राप्त रहन्छ। यो योजना लिएको ६ महिनापछि कुनै पनि बेला सरेन्डर गर्न सकिन्छ।
यस योजनामा अधिकतम पेन्सनको कुनै सीमा छैन। जति धेरै रकम लगानी हुन्छ, त्यति नै बढी पेन्सन पाइन्छ। पेन्सनका लागि यो योजनामा वार्षिकी किन्नुपर्छ। मानौं ४२ वर्षको उमेरमा भारु ३० लाखको वार्षिकी योजना किनियो भने मासिक भारु १२ हजार ३८८ पेन्सन पाइन्छ। थप पेन्सन आवश्यक परेमा सोहीअनुसार थप रकम लगानी गर्न पनि सकिन्छ। –एजेन्सी
