काठमाडौं । सबैले आफ्नो कमाइको केही रकम बचत गरी यस्तो ठाउँमा लगानी गर्ने योजना बनाएका छन् कि अवकाशपछि आर्थिक समस्या नपरोस् र नियमित आम्दानी होस्। यस समस्याबाट छुटकारा पाउन देशको सबैभन्दा ठूलो बीमा कम्पनी एलआईसीले जीवनभर पेन्सनको ग्यारेन्टी दिने थुप्रै योजना ल्याइरहेको छ। यीमध्ये एउटा लोकप्रिय योजना हो, एलआईसी नयाँ जीवन शान्ति योजना। जसको विशेषता यो हो कि मात्र एकपटक पैसा लगानी गर्नुपर्छ र पेन्सन जीवनभरका लागि तय गरिएको छ।
एलआईसीसँग एकमात्र होइन हरेक उमेरका मानिसका लागि धेरै उत्कृष्ट योजनाहरु छन्। एलआईसीको पेन्सन योजनाहरु धेरै लोकप्रिय छन्। जुन विशेष रुपमा सेवानिवृत्तिपछि वित्तीय स्वास्थ्य कायम राख्न पेस गरिएका छन्।
एलआईसी नयाँ जीवन शान्ति योजना एउटा एक सिंगल प्रिमियम योजना हो र एकपटक लगानी गरेपछि यसले बीमितलाई सेवानिवृत्तिपछि नियमित पेन्सनको ग्यारेन्टी दिन्छ। बीमितले हरेक वर्ष भारु १ लाख पेन्सन पाउँछन्, त्यो पनि जीवनभर।
एलआईसीको यो पेन्सन योजनाका लागि कम्पनीले उमेर सीमा ३० वर्षबाट ७९ वर्ष तोकेको छ। यस योजनामा ग्यारेन्टी पेन्सनका साथै अन्य विभिन्न सुविधा पनि उपलब्ध छन्। यो योजना किन्नका लागि दुईवटा विकल्प छन्। जसमध्ये पहिलो डेफर्ड एन्युटी फर सिंगल लाइफ र दोस्रो डेफर्ड एन्युटी फर ज्वाइन्ट लाइफ हो। यसको मतलब यदि बीमितले चाहेमा सिंगल प्लानमा वा कम्बाइन्ड अप्सन रोज्न सक्नेछन्।
एलआईसीको यो जीवन शान्ति योजनामा बीमितले वार्षिक भारु १ लाख पेन्सन सुनिश्चित गर्न सक्छन्। यो योजना खरिद गरेर बीमितले आफ्नो पेन्सन सीमा निश्चित गर्न सक्छन्। सेवानिवृत्तिपछि आफ्नो बाँकी जीवनका लागि निश्चित पेन्सन प्राप्त गर्न जारी राख्न सकिन्छ। यो योजनाको लगानीमा उत्कृष्ट ब्याज पनि उपलब्ध छ।
यदि ५५ वर्षको व्यक्तिले यो योजना खरिद गर्दा भारु ११ लाख लगानी गर्छ भने यो ५ वर्षका लागि हो र ६० वर्षको उमेरपछि उसले प्रत्येक वर्ष भारु १ लाख २ हजार ८५० पेन्सन पाउनेछ। यो पेन्सनबापतको रकम अर्धवार्षिक वा मासिक रुपमा पनि लिन सकिन्छ।
एलआईसीको नयाँ जीवन शान्ति योजनामा ग्यारेन्टी पेन्सनका साथमा अन्य लाभहरुमा मृत्यु कभर पनि समावेश छ। यस अवधिमा बीमाधारकको मृत्यु भएमा उसको खातामा जम्मा भएको सम्पूर्ण रकम नोमिनीलाई दिइन्छ। भारु ११ लाखको लगानीमा नोमिमीले पाउने रकम १२ लाख १० हजार हुनेछ। विशेषता यो हो कि बीमितले जुनसुकै बेला पोलिसी सरेन्डर गर्न सक्छन्। यसमा न्यूनतम भारु १.५ लाख लगानी गर्न सकिन्छ। जब कि यसका लागि कुनै अधिकतम सीमा छैन।
