काठमाडौं । एलआइसी नेपालले १ वर्ष नपुग्दै मृत्यु भएका व्यक्तिका हकवालालाई मृत्यु दावी बापतको रकम भूक्तानी गरेको छ ।
ओखलढुङ्गा स्थायी घर भई हाल काठमाडौं बस्दै आएकी ४० वर्षीया निरमाया शंकरले १ वर्षअघि एलआइसी नेपालमा ७ लाख रुपैयाँको बीमा गरेकी थिइन् । बीमा गराएको १ वर्षमै उनको ब्रेन ह्यामरेजका कारण मृत्यु भएको थियो ।
एलआइसी नेपालको ललितपुर शाखाले उनका श्रीमान दलमान शंकरलाई मृत्यु दाबी भुक्तानी बापत ७ लाख ७८ हजार ४ सय रुपैयाँको चेक हस्तान्तरण गरेको हो । चेक हस्तान्तरण भने ललितपुर शाखाका मार्केटिङ प्रमुख घनश्याम बुढाथोकी, शाखा प्रमुख अंकित सुवेदी र एजेन्सी म्यानेजर टेक ब. खड्काले गरेका हुन् ।
