काठमाडौं । एलआइसी नेपालको धादिङ शाखाले मृत्यु दाबी भुक्तानी गरेको छ । कम्पनीको शाखा कार्यालय धादिङका शाखा प्रमुख नरेन्द्र बिष्ट एवं एजेन्सी मेनेजर वेधनिधी पाठकले स्वार्गिय चन्द्र लक्ष्मी श्रेष्ठका श्रीमान सुरेश श्रेष्ठलाई ३० लाख ५१ हजार ५६६ रुपैया बराबरको चेक हस्तान्तरण गरेका हुन् ।
स्वर्गीय चन्द्र लक्ष्मीले करिब एक बर्ष आघी कम्पनीको धादिङ शाखाबाट १५ लाख बराबरको जीवन बीमा योजना लिएका थिए । त्रैमाशिक रुपमा दुई किस्ता बापत रु ४९ हजार ८३८ रकम मात्र बुझाएका थिए ।
उनको लुगा उठाउने क्रममा घरको छ्तबाट खसेर मृत्यु भएकोमा मृत्यु दाबी अन्तर्गत बीमाङ्क बापत १५ लाख दुर्घटना बापत १५ लाख र सो अबधिको आर्जित बोनश सहित गरेर जम्मा ३० लाख ५१ हजार ५ सय ६६ को चेक बीमित एवं मृतकका श्रीमानलाई हस्तान्तरण गरिएको हो ।
कार्यक्रममा बोल्दै शाखा प्रमुख नरेन्द्र बिष्टले मृत्यु जहिले दुस्खद हुने तर सत्य भएकाले यस बाट हुनसक्ने आर्थिक क्षेती न्यूनीकरण गर्न सबैले बिमा गर्नुपर्नेमा जोड दिए ।
