काठमाडौं। एनबिआईले ३० लाख मूल्य बराबरको एक हजार व्यक्तिगत सुरक्षा उपकरण पीपीई सरकारलाई हस्तान्तरण गरेको छ। एनबिआईका अध्यक्ष कुशकुमार जोशीले उद्योगमन्त्री लेखराज भट्टलाई पीपीई हस्तान्तरण गरेका हुन्।
एनबिआईका अध्यक्ष जोशीले कोरोनाका कारण आर्थिक सामाजिक रूपमा ठूलो आर्थिक संकट आएको बताउँदै अर्थतन्त्र चलायमान बनाउन एकीकृत राहत कार्यक्रम ल्याउन आग्रह गरे।
एनबिआईका संस्थापक अध्यक्ष पद्म ज्योतिले बन्द भएका उद्योग पूर्ण संचालनमा ल्याउन सरकार र उद्योगीबीच छलफल आवश्यक रहेको बताए। एनबिआईका सदस्य एवं सांसद उमेश श्रेष्ठले उद्योग र मजदुरको सुरक्षाका लागि सरकारसँग छलफल आवश्यक रहेको बताए।
