काठमाडौं । एनएमबि म्युचुअल फन्डअन्तर्गत सञ्चालित दुई योजनाको लाभांश वितरणार्थ बुक क्लोजको मिति तय गरिएको छ।
योजना व्यवस्थापक एनएमबि क्यापिटलले आर्थिक वर्ष २०८०।८१ का लागि एनएमबि फिफ्टी र एनएमबि सुलभ इन्भेस्टमेन्ट फन्ड–२ को लाभांश वितरणार्थ असोज ११ गते बुक क्लोजको मिति तय गरेको हो। यसको अर्थ असोज ११ गतेभन्दा अघिसम्म कायम इकाइधनीले यी दुवै योजनाको लाभांश पाउनेछन्।
क्यापिटल सञ्चालक समितिले करसहित एनएमबि फिफ्टीका इकाइधनीहरुका लागि १५ प्रतिशत र एनएमबि सुलभ इन्भेस्टमेन्ट फन्ड–२ का इकाइधनीहरुलाई १० प्रतिशत नगद लाभांश वितरण गर्ने निर्णय गरेको छ।
