काठमाडौं । एनएमबि म्युचुअल फन्डअन्तर्गत सञ्चालित दुईवटा योजनाको लाभांश घोषणा गरिएको छ।
योजना व्यवस्थापक एनएमबि क्यापिटलको सञ्चालक समितिले एनएमबि फिफ्टी र एनएमबि सुलभ इन्भेस्टमेन्ट फन्ड–२ को आर्थिक वर्ष २०८०।८१ को सञ्चित मुनाफाबाट लाभांश घोषणा गरेको हो। जसअनुसार करसहित इकाइधनीहरुलाई एनएमबि फिफ्टीका लागि १५ प्रतिशत र एनएमबि सुलभ इन्भेस्टमेन्ट फन्ड–२ का लागि १०) प्रतिशत नगद लाभांश वितरण गर्ने कम्पनीले निर्णय गरेको छ।
लाभांश वितरणार्थ दुवै योजनाको असोज ११ गते बुक क्लोज गर्ने निर्णय क्यापिटलले गरेको छ। यसको अर्थ असोज ११ गतेभन्दा अघिसम्म कायम इकाइधनीले यी दुवै योजनाको लाभांश पाउनेछन्।
