काठमाडौं । एनआईसी एसिया बैंकले असोज १० गते शुक्रबार साधारण सभा बोलाएको छ । सभा बिहान ९ बजे आर्मी अफिसर्स क्लबमा गर्ने भएको जनाएको छ ।
सभामा लाभांश सहितका विभिन्न १० प्रस्ताव पेश हुने समेत बैंकले जनाएको छ । बैंकले गत आर्थिक बर्षको नाफाबाट आफ्ना सेयरधनिहरुलाई २१ दशमलव ०५ प्रतिशत लाभांश दिने निर्णय गरेको छ ।
त्यस्तै, बैंकले दने लाभांश मध्ये १० प्रतिशत बोनस सेयर र बाँकी बोनस सेयरमा लाग्ने कर सहित ११ दशमलव ०५२६ प्रतिशत नगद लाभांश रहेको छ ।
सभा प्रयोजनको लागि बैंकले भदौ २९ गते देखि असोज १० गतेसम्म बुक क्लोज गर्ने निर्णय गरेको छ । भदौ २६ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने जनाएको छ ।
प्रस्तावित लाभांश बितरणपछि बैंकको चुक्ता पूँजी ९ अर्ब ७१ करोड ७६ लाख पुग्ने छ ।
