काठमान्डौ। एनआइसी एशिया बैंकको बजार मूल्य ५२ हप्ताकै उच्च विन्दुमा कारोवार भैरहेको छ। विगत तीन कारोवार दिन देखि एनआइसी एशिया बैंकको बजार मूल्य निरन्तर वृद्धि भएको छ । आज पौष ६ गते कम्पनीको बजार मूल्य ९ दशमलव ९० प्रतिशतले वृद्धि हुँदै ७७७ रुपैयाँ प्रति कित्तामा बजार मूल्य बन्द भएको छ।
श्रोत : मेरोलागानी
कम्पनीको आज दिन भरमा ४४ करोडको शेयर कारोवार भएकोमा ४२ नम्बर ब्रोकरबाट करिव ५ करोड ६७ लाख बराबरको शेयर खरिद भएको थियो त्यस्तै सर्वाधिक बिक्री गर्ने ब्रोकरमा २८ नम्बर ब्रोकरबाट ३ करोड ६२ लाखको बिक्री भएको थियो।
यसरी आज सर्वाधिक खरिद गर्ने ब्रोकरले आजको कुल खरिदको १२ प्रतिशत मात्र खरिद गरेको थियो । यसरी आक्रामक रुपमा खरिद गर्ने ब्रोकर नदेखिए पनि कम्पनीको व्यापर विस्तार देखेर लगानीकर्ताहरु आकर्षित भएको देखिन्छ । कम्पनीको आर्थिक वर्ष ७६/७७ को लाभांशको लागि बुक क्लोज भएको अवस्थामा पनि लगानीकर्ताहरु आकर्षित भएका छन् । बुक क्लोज पश्चात बोनस शेयर प्रयोजनार्थ शेयर मूल्य समायोजन भएको र पुँजी वृद्धि भएको अवस्थामा पनि कम्पनीको डाईलुटेड प्रति शेयर आम्दनी ३५ रुपैयाँ रहेको छ।
श्रोत : नेप्से अल्फा
