काठमाडौं । उद्योग वाणिज्य संघ चितवनले कोरोना राहत कोष स्थापना गरेको छ । संघले उक्त कोषमा पहिलो चरणमा कोषमा ३ लाख रुपैयाँ जम्मा गरेको जनाएको छ । संघले १ लाख ३० हजार, कार्यसमितिबाट १ लाख ७० हजार रुपैयाँ जम्मा जनाएको छ।
लकडाउनका कारण समस्यामा परेका दैनिक ज्यालादारी गर्ने मजदुर, विपन्न वर्गलाई सहयोग गर्ने संघले जनाएको छ। संघले यसअघि पनि विपन्न वर्गलाई खाद्यान्न वितरण, बजारका मुख्य केन्द्रमा साबुन पानीले हात धुने व्यवस्था, कोरोना अस्पताललाई एन ९५ मास्क वितरण, कोरोना अस्पताल स्थापनाका लागि समेत सहयोग गरिसकेको छ ।
