काठमाडौं । आज आइतबार सुनको भाउ बढेको छ । गत शुक्रबार तोलामा ९७ हजार ३ सय रुपैयाँमा कारोबार भएको छापावाला सुनको भाउ आज तोलामा ७ सय रुपैयाँले बढेर प्रतितोला ९८ हजार रुपैयाँमा कारोबार भइरहेको छ ।
आज तेजाबी सुनको भाउ पनि प्रतितोला ७ सय रुपैयाँले नै बढेर तोलाको ९७ हजार ५ सय रुपैयाँमा कारोबार भइरहेको छ । आज चाँदीको भाउ भने प्रतितोला १ हजार २७० रुपैयाँमा स्थिर रहेको नेपाल सुन चाँदी व्यवसायी महासंघले जनाएको छ ।
