काठमाडौं । प्रभु म्युचुअल फन्डअन्तर्गत सञ्चालित दुई योजनाको लाभांश सुरक्षित गर्ने आज अन्तिम दिन रहेको छ । योजना व्यवस्थापक प्रभु क्यापिटल रहेको प्रभु सेलेक्ट फन्ड र प्रभु स्मार्ट फन्डको आर्थिक वर्ष २०८०।८१ का लागि लाभांश वितरण गर्न असोज १४ गते बुक क्लोज गर्दैछ । यसको अर्थ आज असोज १३ नेप्सेमा कारोबार भई कायम इकाइधनीले यी दुवै योजनाको लाभांश पाउनेछन्।
योजना व्यवस्थापकले इकाइधनीहरुलाई करसहित सेलेक्टर फन्डमा १० प्रतिशत र स्मार्ट फन्डमा ८.५ प्रतिशत नगद लाभांश वितरण गर्ने निर्णय गरेको छ। यी दुवै बन्दमुखी योजना हुन्।
