काठमाडौं । तीन वटा लघुवित्त वित्तीय संस्थाले आज भदौ २२ गतेदेखि एकिकृत कारोबार सुरु गरेका छन् । जीवन विकास लघुवित्त, सल्भ लघुवित्त र गरिबी न्यूनिकरण लघुवित्तले जीवन विकास लघुवित्त वित्तीय संस्था लिमिटेडको नामबाट एकिकृत कारोबार शुरु गरेका हुन्।
नेपाल राष्ट्र बैंकले कम्पनीलाई साउन २६ गते एकिकृत कारोबारका लागि अन्तिम स्वीकृती दिएको थियो ।
जीवन विकासको केन्द्रिय कार्यालय मोरङको कटहरी गाउँपालिकामा रहेको छ भने सल्भ लघुवित्त धनकुटा नगरपालिका र गरिबी निवारण लघुवित्त सप्तरीको राजविराजमा रहेको छ । अब मर्जर पश्चात जीवन विकासको केन्द्रिय कार्यालय मोरङको कटहरीबाट वित्तीय सेवा प्रदान गर्ने समेत सुचनामा उल्लेख गरेको छ ।
