काठमाडौं । भारतीय सेयर बजारको उचाइतिर बढ्ने कीर्तिमानी यात्रामा ब्रेक लागेको छ।
लगातार ३ नयाँ कीर्तिमान उचाइ बनाउँदै अगाडि बढेको भारतीय शेयर बजार बिहीबार ओरालो लागेको हो। सेन्सेक्स आज १३२ अंकले घटेर ६९५२१ को विन्दुमा बन्द भएको छ। निफ्टी पनि ३६ अंकले घेर २०९१ को विन्दुमा झरेको छ।
आज सेन्सेक्सका ३० शेयरमध्ये १७ वटाको भाउ घटेको छ भने १३ वटाको बढेको छ। आज पेटीएमको शेयरभाउ सर्वाधिक १८.७४ प्रतिशतले घटेर भारु ६६०.७० मा बन्द भएको छ।
सेन्सेक्स र निफ्टीले हिजो बुधबार अल टाइम हाई बनाएका थिए। यो दिन सेन्सेक्स ३५७ अंकले बढेर ६९६५३ मा बन्द भएको थियो भने निफ्टी ८२ अंकको बढोत्तरीका साथ २०९३७ को उचाइमा पुगेको थियो।
