काठमाडौं । मंगलबार विहानैदेखि मौसको कारण अबरुद्ध बनेको काठमाडौंस्थित विमानस्थल दोस्रो पटक अबरुद्ध हुन पुगेको छ । अपरान्ह १ः४० बजेदेखि विमानस्थल बन्द गरिएको त्रिभुवन विमानस्थल प्रमुख राजकुमार क्षेत्रीले बताए । विमानस्थल बन्द हुँदा इण्डिगो एयरलाईन्सको जहाज दिल्लीतर्फ फर्किएको छ भने नेपाल एयरलाईन्स र लायन एयरका जहाजहरु आकाशमाथि फन्को मारिरहेका छन् ।
दिल्लीबाट आएको इण्डिगो एयरलाइन्सको जहाजले अवतरणको लागि दुई फन्को मारेर होल्ड भएको अवस्थामा एकाएक मौसम बिग्रेपछि थप मारमा परेको थियो । उक्त जहाज नयाँदिल्लीतर्फ डाईभर्ट भएको छ ।
मौसममा आएको खरावीका कारण विमानस्थल बन्द गर्नु परेको त्रिभुवन विमानस्थल कार्यालयले जनाएको छ । विमानस्थल बन्द भई जहाजहरु आकाशमै होल्ड हुँदा प्रतिघण्टा लाखौं रुपैयाँको क्षति व्यहोर्नुपर्दछ ।
