काठमाडौं । वैदेशिक रोजगार विभागले बिदेश जाने कामदारहरुको लागि गर्दै आएको म्यादी जीवन बीमाको प्रिमियम अनलाईनमार्फत नै भुक्तानी गर्न सकिने भएको छ। बीमा समिति, बीमा कम्पनीहरु तथा बैदेशिक रोजगार विभाग समेतको सहकार्यमा अनलाईनबाटै गर्न लागिएको हो ।
बीमा कम्पनीहरुको नियामक निकाय बीमा समितिसँग सहकार्य भएमा विभाग आगामी भदौदेखि लागु गर्ने भएको छ।बीमा समितिबाट स्वीकृत भएमा वैदेशिक रोजगारीमा जाने कामदारले बीमा खरिद र कल्याणकारी कोषको रकम अनलाईन मार्फत भुक्तानी गर्न पाउनेछन्।
वैदेशिक रोजगार विभागले म्यादी जीवन बीमामा प्रविधिमैत्रीका साथै वैदेशिक रोजगारीमा भएकाहरुलाई सहज वातावरण सिर्जना गर्नको लागि अनलाईन भुक्तानी प्रणाली ल्याउन लागेको विभागले जनाएको छ।
वैदेशिक रोजगार विभागले अनलाईन भुक्तानीको लागि सबै तयारी पूरा गरिसकेको जनाएको छ । यद्यपि बीमा समितिले अनुमति भने दिसकेको छैन ।
विभागले अनलाईन भुक्तानीको लागि सफट्पयरको समेत निमार्ण गरिसकेको छ । विभागले अनलाईनमार्फत भुक्तानीको लागि फाईल बीमा समितिमा पेश गरेको छ ।
