काठमाडौं । बेनी हाइड्रोपावर प्रोजेक्टको शेयर भोलि बुधबारबाट दोस्रो बजारमा कारोबारमा आउने भएको छ।
बेनी हाइड्रोपावरको आइपीओ आज मंगलबार नेपाल स्टक एक्सचेन्ज (नेप्से)मा सूचीकृत भएको छ। कुनै पनि कम्पनीको आइपीओ नेप्सेमा सूचीकृत भएको दोस्रो दिनबाट कारोबारमा आउँछ। सोहीबमोजिम यो कम्पनी शेयर भोलिबाट कारोबारमा आउने भएको हो।
नेप्सेमा बेनी हाइड्रोपावरको १०० रुपैयाँ अंकित दरका कुल १ करोड ४ लाख कित्ता शेयर सूचीकृत भएको छ। जसमा सर्वसाधारणको २० लाख ८० हजार कित्ता (२० प्रतिशत) र संस्थापकको ८३ लाख २० हजार कित्ता (८० प्रतिशत) रहेको छ।
पहिलो कारोबारका लागि नेप्सेले सर्वोत्तम पेन्ट्सलाई प्रतिकित्ता न्यूनतम ९१.२७ रुपैयाँदेखि अधिकतममा २७३.८१ रुपैयाँ तोकेको छ। कारोबार संकेत भने यो कम्पनीले ‘बीईएनएच’ पाएको छ।
अब भोलि बुधबार स्पेसल प्रिसेसनमा यो कम्पनीको शेयर नेप्सेले तोकेको रेन्जभित्र किनबेच भएमा नियमित सत्रका लागि कारोबारमा आउनेछ।
बेनी हाइड्रोपावरले गत भदौ २२ गतेदेखि भदौ २६ गतेसम्म सर्वसाधारणका लागि आइपीओ बिक्री खुला गरेको थियो। आइपीओ बाँडफाँट भने असोज ५ गते गरिएको थियो।
