काठमाडौं । एनआरएन इन्फ्रास्ट्रक्चर एन्ड डेभलपमेन्टले ३ कम्पनीमा करिब १ अर्ब ३० करोड रुपैयाँ लगानी गर्ने भएको छ।
कम्पनीले दुई जलविद्युत आयोजना र एउटा कम्पनीमा कुल १ अर्ब २९ करोड ९७ लाख ५० हजार रुपैयाँ लगानी गर्न हो। कम्पनीले सांग्रिला ऊर्जाद्वारा प्रवर्द्धित ६३ मेगावाट क्षमताको छुजुङ खोला जलविद्युत आयोजनामा २० करोड रुपैयाँको २० लाख कित्ता शेयर र दूधकोशी हाइड्रोपावर नेपालद्वारा प्रवर्द्धित सोलुखुम्बु जिल्लामा अवस्थित ७० मेगावाट क्षमताको दूधकोशी–२ जलविद्युत आयोजनामा १ अर्ब रुपैयाँको १ करोड कित्ता शेयरमा लगानी गर्ने निर्णय गरेको छ।
यसैगरी मोरङ जिल्लामा रहेको अन्नपूर्ण राठी केबल्स इनडस्ट्रिजमा पनि कम्पनीले ९ करोड ९७ लाख ५० हजार रुपैयाँको २ लाख ८५ हजार कित्ता शेयर किन्ने निर्णय कम्पनीले गरेको छ।
