काठमाडौं । ग्लोबल आइएमई बैंक र बारपाक सुलिकोट गाउँपालिकाबीच कृषि कर्जा प्रदान गर्ने सम्बन्धी सम्झौता भएको छ ।उक्त सम्झौतापत्रमा गाउँपालिकाका अध्यक्ष विष्णुप्रसाद भट्ट तथा प्रमुख प्रशासकीय अधिकृत गौतम भण्डारी र बैंकका बारपाक शाखा प्रबन्धक प्रदीप गुरुङ तथा सुपरभाइजर तेजबहादुर थापाले हस्ताक्षर गरेका थिए ।
सम्झौताअनुसार बैंकले आवश्यक प्रक्रिया पूरा गरेका कृषकलाई परियोजनाको विश्लेषण गरी न्यूनतम दुई लाखदेखि अधिकतम १० लाख रुपैयाँसम्म कर्जा प्रदान गर्नेछ ।
