काठमाडौं । आरम्भ चौतारी लघुवित्त वित्तीय संस्था लिमिटेडले चालु आर्थिक वर्षको पहिलो त्रैमासको अपरिष्कृत वित्तीय विवरण प्रकाशित गरेको छ। संस्थाले चालु आर्थिक वर्षको पहिलो त्रैमासमा १ करोड २९ लाख रुपैयाँ नाफा कमाएको छ। गत आर्थिक वर्षको सोही अवधिमा संस्थाले १ करोड २३ लाख रुपैयाँ खुद नाफा कमाएको थियो ।
चुक्ता पूँजी २६ करोड ३४ लाख ४८ हजार रुपैयाँ रहेको यस लघुवित्तको जगेडा कोषमा ८ करोड २७ लाख ९७ हजार रुपैयाँ रहेको छ।
खुद ब्याज आम्दानी :
समीक्षा अवधिमा लघुवित्तले ५ करोड ६३ लाख २० हजार रुपैयाँ खुद ब्याज आम्दानी गरेको छ । गत आर्थिक वर्षको सोही अवधिमा २ करोड ४ लाख ८१ हजार रुपैयाँ खुद ब्याज आम्दानी गरेको थियो । गत आर्थिक वर्षको सोही अवधिको तुलनामा संस्थाको खुद ब्याज आम्दानी ५७ प्रतिशत बढी हो ।
सञ्चालन मुनाफा :
गत आवको पहिलो त्रैमाससम्ममा १ करोड ९४ लाख ४२ हजार रुपैयाँ सञ्चालन मुनाफा आर्जन गरेको यस लघुवित्तले चालु आवको सोही अवधिसम्ममा २ करोड ३ लाख ९१ हजार रुपैयाँ मात्र यस्तो नाफा कमाउन सफल भएको छ। गत आर्थिक वर्षको सोही अवधिको तुलनामा संस्थाको सञ्चालन मुनाफा ५ प्रतिशतले बढी हो ।
कर्जा र निक्षेप :
लघुवित्तले ९७ करोड ४६ लाख रुपैयाँ निक्षेप संकलन गरेको छ भने १ अर्ब ७० करोड ३५ लाख रुपैयाँ सापटीबाट २ अर्ब ९३ करोड ५६ लाख रुपैयाँ कर्जा लगानी गरेको छ। गत आवको सोही अवधिसम्ममा लघुवित्तले ५३ करोड १० लाख रुपैयाँ निक्षेप र ९४ करोड ८ लाख रुपैयाँ सापटीबाट १ अर्ब ६५ करोड रुपैयाँ कर्जा लगानी गरेको थियो।
सूचक :
वार्षिक प्रतिशेयर आम्दानी १९ रुपैयाँ ७० पैसा र प्रतिशेयर नेटवर्थ १ सय ३१ रुपैयाँ ४२ पैसा कायम भएको छ। मूल्य आम्दानी अनुपात ३७.४५ गुणा कायम भएको छ। समीक्षा अवधिमा लघुवित्तको निष्क्रिय कर्जा ०.६० प्रतिशतबाट बढेर १.९१ प्रतिशत पुगेको छ।
