काठमाडौं । बैंकका एटिएम मेशिनहरु अपराधिक समुहको निशानामा पर्न थालेका छन् । सोमबार कालिमाटी प्रहरीले एटिएम मेशिनबाट रकम चोरी गर्दै गरेको अवस्थामा एक व्यक्तिलाई रंगेहात पक्राउ गरेका छन् ।
प्रहरीले काठमाडौंको कुलेश्वरस्थित माछापुच्छ्रे बैंकको एटिमएम मेशन फुटाउँदै गरेको अवस्थामा कैलाली टीकापुर घर भएका २२ बर्षिय युवकलाई पक्राउ गरेको छ । पक्राउ परेका युवकको साथबाट एटिएम मेशिन फुटाउन प्रयोग हुने हतियार समेत बरामद गरेको छ । प्रहरीले एटिएम मेशिन फुटाउँदै गरेको अवस्थामा ति युवकलाई रंगेहात पक्राउ गरेको जनाएको हो ।
गत साता तनहुँमा रहेको माछापुच्छ्रे बैंककै एटिएम फुटाउँदै गर्दा एक व्यक्ति पक्राउ परेका थिए । यसैबीच, राजधानी काठमाडौंमा अपराधिक घटनाहरु बृद्धि भएको छ । बैंकका एटिएम मेशिनहरुमा लुटपाट गर्ने गिरोहले निशाना बनाउन थालेका छन् । दशैं सकिएलगत्तै आपराधिक घटनाहरुमा बृद्धि भएको छ ।
