काठमाडौं । फर्स्ट माइक्रोफाइनान्स लघुवित्त वित्तीय संस्था लिमिटेडले चालुआर्थिक वर्ष २०७७/७८ को पहिलो त्रैमासको वित्तीय विवरण प्रकाशन गरेको छ । चालु आर्थिक वर्षको पहिलो त्रैमासमा संस्थाले २ करोड ९७ लाख १६ हजार रुपैयाँ खुद नाफा आर्जन गर्न सफल भएको छ । गत आथिृक वपर्षको सोही अवधिको तुलनामा संस्थाको नाफा २८ लाख ७८ हजार रुपैयाँले धेरै हो । गत आर्थिक वर्षको सोही अवधिमा संस्थाले २ करोड ६८ लाख ३८ हजार रुपैयाँ खुद नाफा कमाएको थियो ।
८७ करोड ६८ लाख रुपैयाँ चुक्ता पूँजी रहेको संस्थाको जगेडा कोषमा १६ करोड ६० लाख रुपैयाँ संञ्चिती रहेको छ ।
यस अवधिमा संस्थाले ५ करोड २७ लाख ५७ हजार रुपैयाँ खुद व्याज आम्दानी गरेको छ । गत आर्थिक वर्षको सोही अवधिको तुलनामा संस्थाको खुद ब्याज आम्दानी १ करोड २ लाख ७७ हजार रूपैयाँले बढी हो ।
त्यस्तै, संस्थाको पहिलो त्रैमासमा सञ्चालन मुनाफा ४८ लाख १२ हजार रुपैयाँले बढेर ४ करोड ७१ लाख ६८ हजार रुपैयाँ पुगेको छ ।
पहिलो त्रैमासमा संस्थाको प्रतिशेयर आम्दानी १३ रुपैयाँ ५६ पैसा र प्रतिशेयर नेटवर्थ ११८ रुपैयाँ ९४ पैसा रहेको कम्पनीले सार्वजनिक गरेको वित्तीय विवरणमा उल्लेख छ ।
