काठमाडों । सांग्रिला डेभलपमेन्ट बैंक र पे नेपको (मोरु) बीच भुक्तानी सम्बन्धमा सम्झौता भएको छ । सम्झौतासंगै ग्राहकले इन्टरनेट बैंकिङ्ग तथा मोबाईल बैंकिङ्गद्वारा आफ्नो खातामा रहेको रकम पे नेपकोमा लोड गर्न सक्ने भएका छन् ।
यसरी लोड गरेपश्चात ग्राहकले मोबाईल टपअप, एअर टिकट खरिद, खानेपानी शुल्क भुक्तानी, विद्युत महसुल भुक्तानी, सिनेमाका टिकेट जस्ता विभिन्न अन्य सुविधाहरु मोरुबाट नै गर्न सक्ने जनाइएको छ ।
चेक र एटीएम को विकल्पको रुपमा यो सुविधा उपयोगी हुने बैंकले विश्वास लिएको जनाएको छ ।
