काठमाडौं । सिद्धार्थ बैंकले २०७७ असोज १६ गते देखि ३ अर्ब रुपैयाँको ३० लाख कित्ता ऋणपत्र निष्काशन खुला गरेको छ । बैंकले प्रति कित्ता एक हजार रुपैयाँको दरले ३० लाख कित्ता ८.५०% एस.बि.एल. डिबेन्चर २०८४ बिक्री खुला गरेको हो। जसमा लगानीकर्ताले वार्षिक ८.५०% ब्याजदर पाउन सक्नेछन् ।
बैंकले ३० लाख कित्ता ऋणपत्र मध्ये १२ लाख कित्ता सर्वसाधारण लगानीकर्तालाई र १८ लाख कित्ता विभिन्न संघसंस्थालाई बिक्री गर्ने छ । उक्त ऋणपत्रमा न्यूनतम आवेदन २५ कित्ता देखि अधिकतम आवेदन सम्पूर्ण कित्ता रहेको छ । लगानीकर्ताहरुले यस ऋणपत्र नेपाल धितोपत्र बोर्डबाट इजाजतपत्र प्राप्त सि(आस्वामा सहभागी बैंक तथा वित्तीय संस्थाहरु र तिनका तोकिएका शाखा कार्यालयहरुबाट आवेदन दिन सक्नेछन्
यसको निष्काशन तथा बिक्री प्रबन्धक एनएमबि क्यापिटल रहेको छ र यस ऋणपत्रलाई इक्रा नेपाल लिमिटेडले पर्याप्त मात्रामा सुरक्षा जनाउने ] “[ICRANP-IR] A-@” रेटिङ्ग दिएको छ । ऋणपत्र निष्काशन बन्द हुने मिति छिटोमा २०७७ असोज २० गते र ढिलोमा असोज ३० गते रहेको छ ।
