काठमाडौं । अजोड इन्स्योरेन्स, जनरल इन्स्योरेन्स र सानिमा जनरल इन्स्योरेन्स नयाँ निर्जीवन बीमा कम्पनीहरु हुन् । तीन निर्जीवन बीमा कम्पनीहरुले आर्थिक वर्ष ७६/७७ को चौथो त्रैमासको वित्तीय विवरण सार्वजनिक गरेका छन् । तीन नयाँ निर्जीवन बीमा कम्पनी मध्य अजोड इन्स्योरेन्सले आईपीओ निस्काशन प्रक्रिया सम्पन्न गरेर अजोडको शेयर दोश्रो बजारमा कारोवार भएको अवस्थामा सानिमा जनरल र जनरल इन्स्योरेन्सले निकट भाविश्यमा आईपीओ निस्काशन गर्ने छन्। अजोड इन्स्योरेन्स, जनरल इन्स्योरेन्स र सानिमा इन्स्योरेन्स कम्पनीलाई इन्स्योरेन्स खबर टिमले गरेको तुलनात्मक अध्ययन:
चुक्ता पूँजीको आधारमा :
जनरल इन्स्योरेन्स र सानिमा जनरल इन्स्योरेन्सको चुक्ता पुँजी ७० करोड रुपैयाँ छ । बीमा समितिले निर्जीवन बीमा कम्पनीलाई १ अर्ब पुँजीको लक्ष्य दिएकोमा दुई कम्पनीले ३० प्रतिशत शेयर सर्वसाधारणलाई दिएर १ अर्ब पुँजीको लक्ष्य हासिल गर्ने छन् । अजोड इन्स्योरेन्सले आईपीओ निस्काशन प्रक्रिया सम्पन्न गरेर अजोडको शेयर दोश्रो बजारमा कारोवार सुरु भैसकेको छ।
जगेडा कोषको आधारमा :
जगेडा कोषमा सानिमा जनरल इन्स्योरेन्स अघि छ । सानिमा जनरल इन्स्योरेन्सको जगेडा कोषमा ४ करोड ९९ लाख संचित छ भने जनरल इन्स्योरेन्सको जगेडामा ४ करोड ६६ लाख रुपैँया छ भने अजोड इन्स्योरेन्सको जगेडा कोषमा ४ करोड ५५ लाख रुपैँया संचित छ ।
बीमा कोषको आधारमा:
बीमा कोषमा अजोड इन्स्योरेन्स अघि छ । अजोड इन्स्योरेन्सको बीमा कोषमा ६ करोड १६ लाख छ भने जनरल इन्स्योरेन्सको बीमा कोषमा ५ करोड १० लाख छ त्यस्तै सानिमा जनरल इन्स्योरेन्सको बीमा कोषमा ५ करोड ७३ लाख रुपैयाँ संचित छ ।
कुल बीमा शुल्क आर्जन रकमको आधारमा :
चालु आर्थिक वर्षको चौथो त्रैमाससम्म अजोड इन्स्योरेन्सले ८६ करोड १२ लाख कुल बीमा शुल्क आर्जन गरको छ भने जनरल इन्स्योरेन्सले ५३ करोड ६९ लाख कुल बीमा शुल्क आर्जन गरेको छ । सानिमा जनरल इन्स्योरेन्सले ३५ करोड २७ लाख कुल बीमा शुल्क आर्जन गरको छ ।
खुद बीमा माशुल्क आर्जन रकमको आधारमा :
खुद बीमा शुल्क आर्जनमा अजोड इन्स्योरेन्स अघि छ । अजोड इन्स्योरेन्सले २७ करोड ७९ लाख खुद बीमा शुल्क आर्जन गरेको छ भने जनरल इन्स्योरेन्सले २० करोड ९६ लाख खुद बीमा शुल्क आर्जन गरको छ र सानिमा जनरल इन्स्योरेन्सले १३ करोड ५५ लाख खुद बीमा शुल्क आर्जन गरको छ ।
खुद नाफाको आधारमा:
खुद नाफाको आधारमा अजोड इन्स्योरेन्स अघि छ । यो १२ महिनाको अवधिमा अजोड इन्स्योरेन्सले ६ करोड २१ लाख खुद नाफा गरेको छ भने सानिमा जनरल इन्स्योरेन्सले ५ करोड ५६ लाख खुद नाफा गरेको छ र जनरल इन्स्योरेन्सले ५ करोड ०६ लाख खुद नाफा गरेको छ ।
कुल दावी भुक्तानीको आधारमा :
अजोड इन्स्योरेन्सले आर्थिक वर्ष ७६/७७मा २२ करोड ५४ लाख कुल दावी भुक्तानी गरेको छ भने जनरल इन्स्योरेन्सले १९ करोड ५२ लाख र सानिमा जनरल इन्स्योरेन्सले ६ करोड ५७ लाख कुल दावी भुक्तानी गरेको छ ।
भुक्तानी हुन् बाँकी दावी :
सानिमा जनरल इन्स्योरेन्सले ७ करोड ७० लाख दावी भुक्तानी गर्न बाँकी रहेको छ भने अजोड इन्स्योरेन्सले ५ करोड ४७ लाख र जनरल इन्स्योरेन्सले ३ कारोड ९० लाख दावी भुक्तानी गर्न बाँकी छ ।
