काठमाडौं । नेपाल राष्ट्र बैंकले रेमिट्यान्स सेवा प्रदायक संस्थाहरुलाई भुक्तानी नरोक्न निर्देशन दिएको छ । निषेधाज्ञा तथा लक डाउन भइरहेको सन्दर्भमा सम्बद्ध स्थानीय प्रशासनसँग समन्वय गरी सुरक्षाका उपायहरु अपनाएर सेवा सुचारु राख्न समेत केन्द्रीय बैंकले निर्देशन दिएको हो ।
विदेशमा कार्यरतहरुले नेपालमागव पठाएको विष्रेषण उनीहरुका आफन्तलाई भुक्तानी गर्न नसक्दा विप्रेषणबाट घर व्यवहार चलाउनुपर्ने नागरिकहरुका लागि अप्ठ्यारो पर्न सक्ने देखिएको राष्ट्र बैंकले बताएको छ ।
यसका लागि विप्रेषण प्रवाह गर्ने संस्थाले स्थानीय प्रशासनसँग समन्वय गरी सम्भव भएसम्म निश्चित समयका लागि आलोपालो मिलाई न्यूनतम कर्मचारीबाट सेवा प्रवाह गर्न पनि केन्द्रीय बैंकले भनेको छ ।
