काठमान्डौ। युनियन लाईफ इन्स्योरेन्सले आर्थिक वर्ष ७६/७७ को चौथो त्रैमासमा वित्तीय विवरण सार्वजनिक गरेको छ । आर्थिक वर्ष ७६/७७ सम्म कम्पनीले ४ अर्ब माथि कुल बीमा शुल्क आर्जन गरेको छ । आर्थिक वर्ष ७५/७६ मा कम्पनीले ३ अर्ब ६ करोड कुल बीमा शुल्क आर्जन गरेको थियो ।
त्यस्तै खुद बीमा शुल्क आर्जन रकम २ अर्ब ९४ करोड बाट वृद्धि भएर आर्थिक वर्ष ७६/७७ मा ४ अर्ब ५० करोड पुगेको छ ।
१ अर्ब ५० करोड चुक्ता पुँजी भएको कम्पनीको जगेडा कोषमा ४४ करोड ८५ लाख पुगेको छ । त्यस्तै जीवन बीमा कोष २ अर्ब १४ करोड बाट वृद्धि भएर ४ अर्ब २८ करोड पुगेको छ। जीवन बीमा कोष जीवन बीमा कम्पनीहरुको लागि निकै महत्त्वपूर्ण कोष हो ।
आर्थिक वर्ष ७६/७७ सम्म कम्पनीमा ९२ हजार ५ सय ५० बीमा लेख कायम छन् भने सोही वर्ष १ अर्ब १ करोड कुल दावी भुक्तानी गरेको छ ।
खुद मुनाफा ६ करोड ८९ लाख बाट वृद्धि भएर ९ करोड ७० लाख पुगेको छ। तर जीवन बीमा कम्पनीको हकमा एकचुअरी मुल्यांकन पश्चातमात्र वास्तविक नाफा देखिने छ।
