काठमान्डौ । महालक्ष्मी लाईफ इन्स्योरेन्सले आर्थिक वर्ष ७६/७७ को चौथो त्रैमासको वित्तीय विवरण प्रकाशन गरेको छ ।
कम्पनीले उपलब्ध गरेको तथ्यांक अनुसार बीमा शुल्क आर्जन २४५ प्रतिशतले वृद्धि हुँदै ८६ करोड ८३ लाख पुगेको छ। आर्थिक वर्ष ७५/७६ मा कम्पनीले २५ करोड १३ लाख बीमा शुल्क आर्जन गरेको थियो ।
कम्पनीको जीवन बीमा कोष २२२ प्रतिशतले वृद्धि हुँदै ८१ करोड ६ लाख पुग्न सफल भएको छ। आर्थिक वर्ष ७५/७६ मा जीवन बीमा कोष २५ करोड १९ लाख थियो ।
खुद मुनाफामा ८१७ प्रतिशतको वृद्धि हुँदै ८ करोड माथि रहेको छ। आर्थिक वर्ष ७५/७६ मा इन्स्योरेन्स कम्पनीको खुद नाफा ८७ लाख ३४ हजार थियो । तर जीवन बीमा कम्पनीहरुको हकमा चाही एक्चुअरी मुल्यांकन पश्चात मात्र वास्तविक नाफा देखिने छ।
आर्थिक वर्ष ७६/७७ मा १२ हजार ४ सय ३६ बीमा लेख कायम छन् भने कम्पनीले आर्थिक वर्ष ७६/७७ मा ५ वटा मृत्यु दावी भुक्तानी गरेको छ ।
