काठमाडौं । नेपाल इन्भेष्टमेन्ट बैंकले गत आर्थिक वर्षको चौथो त्रैमाससम्ममा २ अर्ब ५७ करोड १६ लाख रुपैयाँ खुद नाफा आर्जन गरेको छ । अघिल्लो वर्षको सोहि अवधिमा बैंकले ३ अर्ब ३२ करोड रुपैयाँ खुद नाफा आर्जन गरेको थियो । अघिल्लो आर्थिक बर्षको तुलनामा बैंकको नाफा २२.६३ प्रतिशतले घटेको हो ।
समिक्षा अवधिमा बैंकले ६५ करोड २३ लाख रुपैयाँ वितरणयोग्य नाफा कमाएको छ। अघिल्लो आर्थिक वर्षको यसै अवधिमा बैंकले १ अर्ब ३९ करोड रूपैयाँ वितरण योग्य नाफा कमाएको थियो । अघिल्लो आर्थिक वर्षको तुलनामा ५३.०९ प्रतिशतले घटेको हो।
अघिल्लो आर्थिक वर्षको तुलनामा बैंकको खुद ब्याज आम्दानी ४१ करोड ३३ लाख रुपैयाँ घटेर ५ अर्ब ७६ करोड रुपैयाँमा सीमित भएको छ। अघिल्लो आर्थिक वर्षको यसै अवधिमा बैंकले ६ अर्ब १७ करोड रुपैयाँ खुद ब्याज आम्दानी गरेको थियो।त्यस्तै, सञ्चालन मुनाफा ४९ करोड ७२ लाख रुपैयाँ घटेर ३ अर्ब ६३ करोड रुपैयाँमा सिमित भएको छ । चौथौ त्रैमासको अवधिमा बैैंकले १ खर्ब ६६ अर्ब रुपैयाँ निक्षेप संकलन गर्दा १ खर्ब ३५ अर्ब रुपैयाँ कर्जा प्रवाह गरेको छ।
बैंकले चुक्ता पूँजी १४ अर्ब २४ करोड रुपैयाँ रहेको छ भने जगेडा कोषमा ११ अर्ब ४१ करोड रुपैयाँ छ।
