काठमाडौं । कालिका लघुवित्तले चौथौ त्रैमासको वित्तीय विवरण सार्वजनिक गरेको छ । चौथौ त्रैमासको अवधिसम्ममा आइपुग्दा कम्पनीको नाफा घटेको छ । समिक्षा अवधिमा लघुवित्तको खुद नाफा ७६ दशमलव ५३ प्रतिशतले घटेर ४८ लाख ६९ हजार रुपैयाँमा सीमित भएको छ।
लघुवित्तले अघिल्लो वषको सोहि अवधिमा दुई करोड ७ लाख ५२ हजार रुपैयाँ नाफा कमाएको थियो । त्यस्तै लघुवित्तको खुद ब्याज आम्दानी भने २१.२४ प्रतिशत ले बढेर १६ करोड ३२ लाख ८८ हजार रुपैयाँ पुगेको छ ।अघिल्लो आर्थिक वर्षको सोहि अवधिमा लघुवित्तले १३ करोड ४६ लाख ७६ हजार रुपैयाँ खुद आम्दनी गरेको थियो ।
त्यस्तै अघिल्लो आर्थिक वर्ष एक करोड १८ लाख ४६ हजार रुपैयाँ रहेको लघुवित्तको सञ्चालन नाफा भने असार सम्ममा २ करोड ९३ लाख १३ हजार रुपैयाँ ऋणात्मक रहेको छ ।
यसअवधिमा खराब कर्जा पनि १ दशमलव ३८ प्रतिशतले बढेर २ दशमलव ९८ प्रतिशत पुगेको छ । अघिल्लो आर्थिक वर्षमा लघुवित्तको खराब कर्जा अनुपात १ दशमलव ६० प्रतिशत मात्र थियो ।
समिक्षा अवधिमा लघुवित्तका प्रतिसेयर आम्दानी (वार्षिक) ७ रुपैयाँ ८२ पैसा छ र प्रतिसेयर नेटवर्थ भने १४५ रुपैयाँ ६१ पैसा रहेको छ ।
