काठमाडौं । माछापुच्छ्रे बैंक र नेपाल चिकित्सकबीच सम्झौता भएको छ । प्रत्यक्ष तथा अप्रत्यक्ष रुपमा नेपाल चिकित्सक संघसँग आबद्ध चिकित्सक, स्वास्थ्यकर्मी, कर्मचारीहरु तथा संस्थाहरुलाई बैंकिङ सेवा प्रदान गर्नेसम्बन्धी सम्झौता भएको हो ।
सम्झौतापत्रमा नेपाल चिकित्सक संघको तर्फबाट अध्यक्ष डा। लोचन कार्की माछापुच्छ्रे बैंकको तर्फबाट प्रमुख कार्यकारी अधिकृत सन्तोष कोइराला हस्ताक्षर गरे ।
राज्यको अभिन्न अंगको रुपमा रहेको चिकित्सा क्षेत्रमा आबद्ध चिकित्सक, स्वास्थ्यकर्मी तथा संस्थाहरुलाई बैंकले विशेष प्राथमिकतामा राखेर बैंकिङ सेवा प्रदान गर्ने बैंकले जानकारी दिएको छ ।
बैंकले संघको अफिसियल बैंकको रुपमा आफ्ना सम्पूर्ण शाखा सञ्जालबाट सघंका सदस्यहरुलाई निक्षेप खाता, कर्जा तथा अन्य बैंकिङ सुबिधाहरुमा विशेष सहुलियत प्रदान गर्ने भएको छ ।
