काठमाडौं । सिद्धार्थ म्युचुअल फण्ड अन्तर्गतका दुई वटा योजना सिद्धार्थ इक्वीटी फण्ड र सिद्धार्थ इन्भेष्टमेण्ट ग्रोथ स्किम –२ को प्रतिइकाई खुद मूल्य बढेको छ । गत जेठ महीनाको तुलनामा असार महीनामा सिद्धार्थ म्युचुअल फण्ड अन्तर्गतका दुई वटा योजनाको मुल्य बढेको हो ।
सिद्धार्थ इक्वीटी फण्डको जेठ महीनामा १० रुपैयाँ २६ पैसा रहेको प्रतिइकाई खुद मुल्य असार महीनामा ११ रुपैयाँ १७ पैसाँ र सिद्धार्थ इन्भेष्टमेण्ट ग्रोथ स्किम–२ को जेठ महीनामा १० रुपैयाँ १३ पैसा रहेकोमा असार महीनामा ११ रुपैयाँ ८ पैसा कायम भएको छ ।
प्रतिइकाई खुद मुल्य बढेको दुवै योजनाको नाफा पनि बढेको छ । जेठ महीनामा १ करोड ७२ लाख ५३ हजार रुपैयाँ नाफा गरेको सिद्धार्थ इक्वीटी फण्डले असार महीनामा १५ करोड ३४ लाख ४६ हजार रुपैयाँ खुद नाफा गरेको छ ।
असार मसान्तसम्म सिद्धार्थ इक्वीटी फण्डको प्राप्त भइसकेको आम्दानी ११ करोड ६३ लाख ८२ हजार रुपैयाँ र प्राप्त नभइसकेको आम्दानी ७ करोड ७ लाख ८२ हजार रुपैयाँ छ । जेठ महीनामा उक्त योजनाको जम्मा आम्दानी ५ करोड ११ लाख २८ हजार रुपैयाँ रहेको थियो ।
त्यस्तै, सिद्धार्थ इन्भेष्टमेण्ट ग्रोथ स्किम–२ ले जेठ महीनामा १ करोड ५८ लाख २६ हजार नाफा गरेकोमा असार महीनामा १२ करोड ९३ लाख ८८ हजार रुपैयाँ नाफा गरेको छ ।
जेठ महीनामा ४ करोड ३७ लाख १९ हजार रुपैयाँ जम्मा आम्दानी गरेको यस योजनाले असार महिनामा १५ करोड ७१ लाख ७२ हजार रुपैयाँ आम्दानी गरेको छ । असार महीनासम्म ९४ करोड ३७ लाख ९४ हजार रुपैयाँ सूचीकृत र सूचीकृत हुन बाँकी शेयरमा योजनाले लगानी गरेको छ ।
