काठमाडौं । कामना सेवा विकास बैंकले अनलाइन कर्जा आवेदन सेवा संचालनमा ल्याएको छ । बैंकले हाल विश्वभर फैलिरहेको कोरोना महामारीको बेला आफना ग्राहकको सेवा र सुरक्षालाई मध्यजनर गर्दै असार १४ गतेदेखि लागु हुने गरी अनलाइन कर्जा आवेदन सेवा संचालनमा ल्याएको हो ।
बैंकले वेबसाइटमार्फत अनलाइन कर्जा योग्यता मापन र आवेदन गर्न सकिने सुविधा ल्याएको छ । यस सुविधाका लागि ग्राहकले घरैमा बसेर बैंकको जुनसुकै शाखा कार्यलयमा सेयर कर्जा, प्रोफेसनल लोन, घर कर्जा, सवारी कर्जा, व्यापारिक कर्जा लागि आवेदन दिन सक्ने बैंकले जनाएको छ ।
बैंकले एबीबीएस, एसएमएस बैंकिङ, मोबाइल बैंकिङ र सि–आस्बालगायतका माध्यमबाट समेत सम्पूर्ण बैंकिङ सेवा ग्राहकलाई सुविधाहरु प्रदान गर्दै आएको छ । आगामी दिनमा बैंकले समयसापेक्ष आफ्ना सेवाहरु थप गर्दै जाने जनाएको छ.
