काठमाडौं । सेञ्चुरी कमर्सियल बैंकले नयाँ ब्याजदर प्रकाशन गरेको छ। बेंकले प्रकाशन गरेको नयाँ ब्याजदर अनुसार बैंकले बचत खातामा अधिकतम साढे ५ प्रतिशतसम्म मात्रै ब्याजदर प्रदान गर्ने तथा मुद्दती तर्फ बैंकले प्राकृतिक व्यक्तिका लागि ८ दशमलव २५ प्रतिशत र संस्थागत लगानीकर्ताका लागि ७ प्रतिशत तथा नवीकरण गर्ने संस्थागत लगानीकर्ताका लागि ७ दशमलव १० प्रतिशत ब्याजदर प्रदान गर्ने जनाएको छ।
कर्जातर्फ बैंकले क्रेडिट प्रोडक्टमा आधार ब्याजदरमा ० दशमलव ७५ देखि अधिकतम ५ प्रतिशत प्रिमियम थप गरि कर्जा लगानी गरिने उल्लेख गरेको छ।
यस्तै, होम लोनमा आधार ब्याजदरमा १ दशमलव २५ देखि अधिकतम ५ प्रतिशत, ब्यक्तिगत सवारी कर्जाका लागि आधार ब्याजदरमा २ देखि अधिकतम ५ प्रतिशत, कर्मसियल सवारी कर्जामा आधार ब्याजदरमा ३ देखि अधिकतम ५ प्रतिशतमा प्रवाह गर्ने जनाएको छ।
त्यसैगरि, साना तथा मझौला उद्योगका लागि आधार ब्याजदरमा १ दशमलव ५० देखि अधिकतम ३ दशमलव ५० प्रतिशतसम्म, र अन्य प्रकारका कर्जाहरुमा पनि बैंकले आधार ब्याजदरमा १ दशमलव ५० देखि अधिकतम ५ प्रतिशत प्रिमियम थप गरि कर्जा लगानी गर्ने जनाइएको छ।
