काठमाडौं । बीमा समिति र नेपाल बीमक संघबीचमा भएको छलफल पश्चात कोरोना बीमा स्थगित गर्ने सहमति भएको छ । स्रोतका अनुसार बीमा समितिले भोलि शुक्रबार देखि कोरोना बीमा पोलिसी स्थगित गर्ने सहमति दुई पक्षका बीचमा भएको छ ।
बीमा समिति र नेपाल बीमक संघबीच भएको छलफल पश्चात कोरोना बीमा भोलिबाटै स्थगित गर्ने सहमति भएपनि बीमा समितिले औपचारिक निर्णय भने गरिसकेको छैन । बीमक संघल लिखित पत्र नै बीमा समितिलाई बुझाएपछि बीमा समितिले स्थगित गर्न बाध्य भएको बीमक संघका एक सदस्यले बताए । बीमक संघको हिजो बसेको बैठकले कोभिड–१९ बीमा पोलिसी स्थगित गर्ने सर्वसम्मत निर्णय गरेको थियो ।
बीमा समितिले सो सम्बन्धमा कुनै प्रतिक्रिया जनाउन चाहेको छैन । यद्यपि छलफल भने भइरहेको जनाएको छ । बीमा समितिले पर्याप्त अनुसन्धान तथा जोखिम विश्लेषण नगरी अघि बढाएको कारण एक महिनामै कोरोना बीमा पोलिसी स्थगित गर्ने अवस्थामा पुगेको हो ।
