काठमाडौं ।लकडाउनको कारणले गर्दा लामो समयपछि खुलेको शेयर बजार मंगलबार बजार खुलेको दुई घण्टामा नै बन्द भएको छ ।
५० दिनपछि खुलेको शेयर बजार खुले देखि नै निरन्तर घटेको कारणले २ घण्टामा नै बन्द भएको हो । आज शेयर बजार २ दशमलव ०२ प्रतिशतले घटेर बन्द भएको छ । उक्त अवधिमा ८७ वटा कम्पनीहरुको १० करोड ४३ लाख रुपैयाँ बराबरको शेयर कारोबार भएको छ। दुई घण्टाको अवधिमा कुल १ लाख ६ हजार ३ सय १२ कित्ता शेयर किनबेच भएको छ।
सबैभन्दा बढी नागरिक लगानी कोषको शेयर कारोबार भएको छ। कोषको ८ करोड ८८ लाख रुपैयाँ बराबरको शेयर कारोबार भएको छ।
