काठमाडौं । नेपाल एसबिआई बैंक केन्द्रीय सरकारले खडा गरको कोरोना कोषमा ५० लाख रुपैयाँ सहयोग गरेको छ । उक्त आर्थिक सहयोग बैंकको तर्फबाट बैंकका प्रबन्ध संचालक तथा प्रमुख कार्यकारी अधिकृत अनुकूल भटनागरले उक्त रुपैयाँ बराबरको चेक उद्योग, वाणिज्य तथा आपूर्ति मन्त्री लेखराज भट्टलाई हस्तान्तरण गरेका हुन् ।
त्यस्तै, बैंकले विश्वव्यापी रुपमा फैलिएको कोभिड १९ महामारीको रोकथाम तथा नियन्त्रणको निम्ति कोरोनाकोष र कोरोनाबाट प्रभावितको रहेको क्षेत्रको लागि १ करोड रुपैयाँ सहयोग गरेको छ ।बैंकको सामाजिक संस्थागत उत्तरदायित्व अन्तर्गत उक्त सहयोग गरेको बैंकले जनाएको छ । यसका साथै बैंकले प्रत्येक प्रदेश सरकारलाई रकम ५ लाख रुपैयाँको चेक हस्तान्तरण गरिसकेको छ ।
